بلاش عتاب يا صاحبي ........
حتبدأ عتابي ..... وهتقولي دى خواطر وشعر حزين
وكمان مليان أنين ..... وساعتها هبدأ أتكلم وأحكيلك
الحكاية قضية ..... كان فيها جاني ومجني عليه
قضية حب ..... والقاضي كان فيها الحزن
ومساعديه الألم والأنين ..... ومكانش هناك دفاع
غير دمع عيني ونبض قلبي المنبوح
ومكانش في طريق البراءة غير الخداع
فسكت لسانى عن الكلام ... وطال عذابي مع الأيام
والحزن كان فى ضحكتى .... واليأس نفسه بسمتى
بعد ده كله قوللى يا صاحبي .... إزاى هكتب أفراح
وقلبي وعمرى مليانين جراح ....
إنصحنى وقولى ...... إزاى هقتل ألمى وهمى
إزاى هعيش وفى خُطايا ..... شكوتى وغمي
صدقنى يا صاحبي ...... دى بداية كلمات .....
لكن مش نهاية عذاب
تاريخ التسجيل
عدد المساهمات
موضوع: بلآش عتآب 
الأحد أكتوبر 04, 2015 5:22 pm
